APL vakili «Norvich Siti» klubi transferlar oynasi yopilishidan oldin yangi himoyachi xarid qilishni istamoqda. Daniyel Farke shogirdlari uchta tur o‘ynab, o‘nta gol o‘tkazib yubordi va bu eng yomon natija sanaladi.
«Kanareykalar» Germaniya klubi «Shalke»dan O‘zan Kabak transferini amalga oshirishga intilmoqda. Xabarlarga ko‘ra, Kabak «Norvich» bilan tez orada shartnomaga imzo chekadi. Bitim 15 million funt atrofida bo‘lishi aytilgan.
Shuningdek, «Shalke» futbolchining kelajakdagi transferidan 15 foiz foyda ko‘radi. Avvalroq «Norvich» «Rostov»dan Normann transferini e’lon qilgan edi.
