АПЛ вакили «Норвич Сити» клуби трансферлар ойнаси ёпилишидан олдин янги ҳимоячи харид қилишни истамоқда. Даниел Фарке шогирдлари учта тур ўйнаб, ўнта гол ўтказиб юборди ва бу энг ёмон натижа саналади.
«Канарейкалар» Германия клуби «Шалке»дан Ўзан Кабак трансферини амалга оширишга интилмоқда. Хабарларга кўра, Кабак «Норвич» билан тез орада шартномага имзо чекади. Битим 15 миллион фунт атрофида бўлиши айтилган.
Шунингдек, «Шалке» футболчининг келажакдаги трансферидан 15 фоиз фойда кўради. Аввалроқ «Норвич» «Ростов»дан Норманн трансферини эълон қилган эди.
