Xabaringiz bor, O‘zbekiston Professional futbol ligasi har oy Coca-Cola Superliganing eng yaxshi murabbiyi va futbolchisi, shuningdek, eng chiroyli golini aniqlab keladi. 2021 yildan boshlab Pro liga murabbiylari va futbolchilari uchun ham shunday so‘rovnoma o‘tkazilib kelinmoqda.

Ortda qolayotgan avgust oyida Pro ligada 3 ta tur bahslari bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.

Avgust oyining eng yaxshi murabbiyi bo‘lish uchun nomzodlar

Usmon Toshev (“Buxoro”) – 2 o‘yin, 1 g‘alaba, 1 durang

Ilhom Mo‘minjonov (“Neftchi”) – 3 o‘yin, 3 g‘alaba

Begzod Qodirqulov (“Yangiyer”) – 2 o‘yin, 1 g‘alaba, 1 mag‘lubiyat

Avgust oyining eng yaxshi futbolchisi bo‘lish uchun nomzodlar

Marko Obradovich (“Neftchi”) – 3 o‘yin, 3 gol

Davron Isoqov (“Buxoro”) – 2 o‘yin, 2 gol

Aleksandar Yeshich (“Neftchi”) – 3 o‘yin, 3 gol

Eslatib o‘tamiz, ovoz berish jarayonida Pro liga klublari bosh murabbiylari va sardorlari hamda muxlislar ishtirok etadi. Pro liganing 9 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi. Dastlabki o‘rinda ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi. O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa murabbiy va sardorlar o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi. Yakunda eng ko‘p ball to‘plaganlar oyning eng yaxshilari sifatida e’tirof etiladi.