Portugaliya terma jamoasi hujumchisi Krishtianu Ronaldu 2022 yilgi Jahon chempionati saralash bosqichi doirasidagi Irlandiyaga qarshi o‘yida 90+6 daqiqada raqib darvozasiga o‘zining va jamoasining ikkinchi golini kiritdi. G‘alaba golini kiritgandan so‘ng portugaliyalik ko‘ylagini yechib, golni noshonladi va sariq kartochka bilan ogohlantirildi. FIFA qoidalari bo‘yicha, o‘yin paytida libosni yechish sariq kartochka bilan ogohlantiriladi.  Bu ogohlantirish Ronaldu uchun saralash bosqichidagi ikkinchisi bo‘ldi. Shu tariqa, portugaliyalik yulduz 2022 yilgi jahon chempionati sarialashidagi keyingi Ozarbayjon bilan kechadigan uchrashuvni o‘tkazib yuboradi.

Eslatib o‘tamiz, Krishtianu Ronaldu JCH-2022 saralash o‘yinida Irlandiya terma jamoasi ustidan 2:1 hisobida g‘alaba g‘alaba qozondi. 36 yoshli hujumchi 89 va 90+6-daqiqalarda gol urib, jamoasiga muhim uch ochkoni taqdim etdi.
Ronaldu Portugaliya terma jamoasi safida 111 ta gol urdi va faoliyati davomida 109 ta xalqaro gol urgan eronlik hujumchi Ali Dayini ortda qoldirdi.