Sobiq futbolchi va «Sky Sports» kanali muxbiri Garri Nevill «Chelsi»ning so‘nggi transferi bo‘lgan Saul Nigez haqida fikr bildirdi. U Lukaku xarididan keyin lol qolganini ham yashirib o‘tirmadi. Mutaxassis shunday deydi:
«Saul yana bir ajoyib futbolchi hisoblanadi. U YECHLda, La liga hamda xalqaro maydonda ham juda katta tajribaga ega. Mana shu narsa «Chelsi»ning transferlar bozorida qanchjalik oqilona harakat qilganini ko‘rsatib beradi. Bu jamoa uchun yana bir tajribaviy voqea bo‘ladi. Ular juda kuchli klub sifatida namoyon bo‘lishdi. Men ularning mavsum avvalidagi o‘yinlarini kuzata turib shu xulosaga keldim».
26 yoshli ispaniyalik futbolchi o‘tgan mavsumda 38 ta liga uchrashuvining 33 tasida maydonga tushgan va 2 ta gol urishga erishgan.
