"Barselona"ning 18 yoshli ispaniyalik vingeri Ansu Fati tizzasidan jarohat olib, taxminan o‘n oy o‘tgach, maydonga qaytishga yaqin turibdi. Bu haqda AS nashri xabar bermoqda.

Manbada qayd etilishicha, futbolchi o‘tgan oy to‘p bilan ishlashni va umumiy guruhda mashg‘ulotlarni boshlagan, ammo tibbiy xodimlar futbolchining tayyorgarligini kuchaytirishni xohlamadilar. Katta ehtimol bilan Fatini 4-tur o‘yinlariga qaytishi mumkin. Misol uchun, "Sevilya" (11 sentyabr), 2021/2022 yilgi UYEFA Chempionlar Ligasi guruh bosqichining 1-turida "Bavariya" bilan uchrashuv (14 sentyabr) va "Kamp Nou"da bo‘lib o‘tadigan Ispaniya chempionatining 5-turida "Granada" bilan (20 sentyabr) bo‘ldaigan bahslarda Ansu maydonida paydo tushish ehtimoli katta.

Fati 2020 yil noyabr oyida "Betis"ga qarshi tizzasidan qattiq jarohat olgan edi. Ma’lum bo‘lishicha, tiklanish uchun 4 oy kerak bo‘ladi, biroq Fati jarohatini muvaffaqiyatli tiklash uchun o‘tkazilgan turli proseduralar foydasiz bo‘lib chiqdi.

Tizzadagi muammo tufayli u mavsumning katta qismini o‘tkazib yubordi va Yevro-2020da ham qatnasha olmadi.

Fati 2019 yilda "Barselona" asosiy jamoasiga qo‘shilgan. 2020 yildan buyon hujumchi Ispaniya terma jamoasiga chaqiriladi. Ma’lumot o‘rnida, Lionel Messi Fransiyaning "PSJ" klubiga ketganidan so‘ng, aynan Ansu Kataloniya klubining 10-raqamini qo‘lga kiritdi.