UYEFA prezidenti Aleksandr Cheferin FIFAning har ikki yilda bir marta jahon chempionatini o‘tkazish rejasiga shubha bilan qaraydi. AP nashrining xabariga ko‘ra, Cheferin FIFA rahbari Janni Infantino va uning tashkiloti bu masala bo‘yicha aloqaga chiqishni istamayotganidan ham juda xavotirda.
"UEFA va milliy assosiasiyalar FIFA taklif qilgan rejalaridan jiddiy xavotir bildirishdi. Ajablanarlisi shundaki, FIFA bu g‘oyani ilgari surish uchun PR-kampaniyasini boshlaganga o‘xshaydi, garchi bunday takliflar hali rasman ilgari surilmagan bo‘lsa ham", - deb yozadi Cheferin Yevropa bo‘ylab muxlislar guruhlarini birlashtirgan FSE tashkiloti direktoriga yozgan maktubida.