УЕФА президенти Александр Чеферин ФИФАнинг ҳар икки йилда бир марта жаҳон чемпионатини ўтказиш режасига шубҳа билан қарайди. AP нашрининг хабарига кўра, Чеферин ФИФА раҳбари Жанни Инфантино ва унинг ташкилоти бу масала бўйича алоқага чиқишни истамаётганидан ҳам жуда хавотирда.
"УЕФА ва миллий ассоциациялар ФИФА таклиф қилган режаларидан жиддий хавотир билдиришди. Ажабланарлиси шундаки, ФИФА бу ғояни илгари суриш учун PR-кампаниясини бошлаганга ўхшайди, гарчи бундай таклифлар ҳали расман илгари сурилмаган бўлса ҳам", - деб ёзади Чеферин Европа бўйлаб мухлислар гуруҳларини бирлаштирган FSE ташкилоти директорига ёзган мактубида.