O‘zbekiston Professional futbol ligasi odatga ko‘ra, har oy Coca-Cola Superliganing eng yaxshi murabbiyi va futbolchisi, shuningdek, eng chiroyli golini aniqlab kelmoqda. Ortda qolgan avgust oyida Superligada 3 ta tur bahslari bo‘lib o‘tdi. Mazkur bellashuvlar davomida ko‘plab futbolchi va murabbiylar o‘zlarini ko‘rsatishga erishdi.
Avgust oyining eng yaxshi murabbiyi bo‘lish uchun nomzodlar
Ulug‘bek Baqoyev (“So‘g‘diyona”) – 3 o‘yin, 2 g‘alaba, 1 mag‘lubiyat
Shuhrat Maqsudov (“Bunyodkor”) – 3 o‘yin, 2 g‘alaba, 1 durang
Piter Xyuistra (“Paxtakor”) – 3 o‘yin, 3 g‘alaba
Bahrom Haydarov (“Surxon”) – 3 o‘yin, 2 g‘alaba, 1 mag‘lubiyat
Viktor Jalilov (“Navbahor”) – 3 o‘yin, 2 g‘alaba, 1 mag‘lubiyat
Avgust oyining eng yaxshi futbolchisi bo‘lish uchun nomzodlar
Ibrohim Gbadamosi Tomiva (“Bunyodkor”) – 3 o‘yin, 2 gol, 2 assist
Mate Vatsadze (“Qizilqum”) – 3 o‘yin, 2 gol
Husniddin Aliqulov (“Nasaf”) – 3 o‘yin, 1 gol, 40 yakkakurashda ustunlik, 15 bor to‘pga ega chiqish
Farruh Ikromov (“Bunyodkor”) – 3 o‘yin, 3 gol, 1 assist
Temurxo‘ja Abduholiqov (“Lokomotiv”) – 3 o‘yin, 2 gol
Mirjahon Mirahmadov (“Bunyodkor”) – 3 o‘yin, 2 gol, 1 assist
O‘tkir Yusupov (“Navbahor”) – 3 o‘yin, 2 quruq o‘yin, 6 seyv
Avgust oyining eng chiroyli goliga nomzodlar
Vladislav Vasilev (“Andijon” – “Qizilqum” uchrashuvida kiritgan goli)
Giorgi Kuxianidze (“Qizilqum” – “Qo‘qon-1912”)
Samuel Ononivu Chigozi (“Metallurg” – “Mash’al”)
Diyor Rahimqulov (“Andijon” – “Bunyodkor”)
Bilolxon Toshmirzayev (“Lokomotiv” – “Turon”)
Kosta Guttiner (“Nasaf” – “Navbahor”).
Eslatib o‘tamiz, ovoz berish jarayonida Coca-Cola Superliga klublari bosh murabbiylari va sardorlari hamda muxlislar ishtirok etishadi. Coca-Cola Superliganing 14 klubi bosh murabbiylari hamda sardorlari ko‘rsatilgan nomzodlarni uchtalikka joylashtirib chiqadi. Dastlabki o‘rinda
ko‘rsatilgan nomzod 3, mos ravishda keyingi ikki o‘rindagilar 2 va 1 ochkolik bo‘ladi.
O‘zPFL tomonidan futbol muxlislari o‘rtasida o‘tkazilgan so‘rovnoma natijasi esa murabbiy va sardorlar o‘rtasida o‘tkazilgan so‘rovnoma natijalariga qo‘shiladi. Bunda muxlislar ovozi katta ahamiyatga ega bo‘lib, birinchi o‘rinni egallagan nomzod 6, mos ravishda keyingilar 4 va 2 ochkodan qo‘lga kiritadi.
Yakunda eng ko‘p ball to‘plaganlar oyning eng yaxshilari sifatida e’tirof etiladi. Mazkur havola orqali avgust oyining eng yaxshilarini aniqlash jarayonida ishtirok etish imkoniyatiga egasiz.
