"Ayaks" o‘z darvozaboni Adre Onana bilan kelasi yil xayrlashishi mumkin. "Times" nashri xabariga ko‘ra, Onana taqdiri o‘z jamoasi bilan biroz chalkashlikka ega.
"Ayaks" sport direktori Overmars bu haqda shunday deydi: "Siz futbolda hech qachon voqealarni oldindan tahmin qila olmaysiz. Shuningdek, men ham. Onananing ketishi ehtimoli mavjud. U yanvarda yoki iyulda erkin agent sifatida klubni tark etadi. Biz u bilan shartnomani uzaytirishga uzoq vaqt harakat qildik. Ammo bu ish bermadi. Yana transferlar vaqtida uni sotib yuborish yo‘lini ham qidirdik. Afsuski, bu ham amalga oshmadi. Klub sifatida esa biz faqat oldinga qarab yurishga majburmiz. Biz hozirda uni o‘rnini bosa oladigan darvozabonlarga egamiz".
Avvalroq Onana transferiga "Arsenal" klubi jiddiy qiziqish bildirayotgani haqida xabar qilingan edi.
