«Real» sobiq bosh murabbiyi Zinedin Zidan faoliyatini Fransiya terma jamoasida davom ettirishga umid qilmoqda.
Bu haqda Le Figaro nashri xabar tarqatdi. Manbaga ko‘ra, Dide Desham jamoa bilan oxirgi o‘yinlarda qoniqarsiz natijalar qayd etgani uchun uning termadagi kelajagi so‘roq ostida bo‘lib turibdi. Zidan Deshamning o‘rniga o‘zini munosib nomzod sifatida hisoblamoqda.
Qayd etilishicha, o‘tgan mavsum «Real» postini tark etgan mutaxassis klub darajasida ishlashga shoshilmayapti va Fransiya terma jamoasi boshqaruvi lavozimi bo‘shashini kutishga tayyorligini ma’lum qilgan.
