«Реал» собиқ бош мураббийи Зинедин Зидан фаолиятини Франция терма жамоасида давом эттиришга умид қилмоқда.
Бу ҳақда Le Figaro нашри хабар тарқатди. Манбага кўра, Диде Дешам жамоа билан охирги ўйинларда қониқарсиз натижалар қайд этгани учун унинг термадаги келажаги сўроқ остида бўлиб турибди. Зидан Дешамнинг ўрнига ўзини муносиб номзод сифатида ҳисобламоқда.
Қайд этилишича, ўтган мавсум «Реал» постини тарк этган мутахассис клуб даражасида ишлашга шошилмаяпти ва Франция терма жамоаси бошқаруви лавозими бўшашини кутишга тайёрлигини маълум қилган.
