"Manchester Yunayted" yarimhimoyachisi Bruno Fernandesh bilan yangi shartnoma borasida muzokara olib bormoqda, deb xabar bermoqda Mirror nashri. Manbaga ko‘ra, "Manchester Yunayted" rahbariyati futbolchi bilan yangi kelishuvga ba’zi o‘zgartirishlarni kiritmoqchi.
Avvalroq, Fernandesning o‘zi Manchesterda baxtli ekani haqida xabar berilgandi. Uning klub bilan amaldagi shartnomasi 2025 yilning o‘rtalariga qadar tuzilgan.
Eslatib o‘tamiz, Fernandesh 2020 yilda "Sporting"dan 63 million yevro evaziga Manchesterga ko‘chib, "Yunayted" futbolchisiga aylandi. Bu vaqt ichida u 83 ta o‘yinda maydonga tushib, 43 ta gol urdi va 25 ta golli uzatmani amalga oshirdi. Yangi mavsumda portugaliyalik "Lids"ga qarshi o‘yinda xet-trik qayd etgan.