"Manchester Yunayted" klubining yangi yulduz hujumchisi Krishtianu Ronalduni 11 sentyabr kuni "Nyukasl"ga qarshi APL 4-tur uchrashuvida ishtirok etilishi kutilmoqda. Bu haqda "qizil iblislar" matbuot xizmati xabar berdi.
"Manchester Yunayted" - "Nyukasl" uchrashuvi "Old Trafford" stadionida bo‘lib o‘tadi.
Uchrashuv Toshkent vaqti bilan 19:00 da boshlanadi.
Eslatib o‘tamiz, Ronaldu "Yunayted"ga avgust oyi oxirida qaytgan edi. U "Yuventus"dan Ole -Gunnar Sulsher jamoasiga o‘tdi va 2 + 1 yillik shartnoma imzoladi.