«Manchester Yunayted» hujumchisi Edinson Kavani nega doim sochlari uzun bo‘lishiga izoh berdi.
«G‘alati, bu savolni men tez-tez do‘stlarim va oilamdan eshitaman. 15 yoshimgacha sochlarim qisqa edi.
Buni tasavvur qilish qiyin, lekin deyarli 20 yildan beri sochlarim uzun. Menga bu juda yoqadi. Men o‘zimni boshqa soch turmagi bilan tasavvur qila olmayman.
Nega bunday bo‘ldi? Menimcha, bu bolalik bilan bog‘liq. Oyim boshim toza bo‘lishi uchun har doim sochimni qisqartirardi.
Balki menga bu umuman yoqmagan va sochimni kesishni xohlamasligim sabab bo‘lgan va ehtimol men keksaygunimcha ham bunday qilmayman», - deydi urugvaylik futbolchi «qizil iblislar» rasmiy saytiga bergan intervyusida.
