O‘zbekiston Superligasi 17-turi doirasidagi "Metallurg" – "Paxtakor" uchrashuvi (0:3) mehmonlar murabbiyi Piter Xyuistra o‘yin haqida fikrlari bilan o‘rtoqlashdi.
"Havo harorati pastlagani sababli har ikki jamoa futbolchilari harakatida tezkorlik ko‘zga tashlandi. Jamoam bugun yaxshi o‘yin ko‘rsatdi, hujumda ko‘plab imkoniyatlarga ega bo‘ldik. Bir necha vaziyatlar yaratdik va yirik g‘alabaga erishdik.
Terma jamoa safidan qaytgan o‘yinchilar tez tiklanishdi. Shuning uchun asosiy tarkibda maydonga tushishdi. Biz doim futbolchilarning yaxshiroq holatda bo‘lishiga intilamiz. Mashg‘ulot va o‘yinlarda o‘sib, har bahsda yaxshiroq ko‘rinishga urinamiz. Biz shunga harakat qilamiz. Hali eng yaxshi darajaga chiqib ulgurmadik. Shu yo‘l sari harakat qilyapmiz", - deydi mutaxassis.
