Italiyadagi eng ashaddiy raqiblar juftligidan biri bu "Yuventus" hamda "Napoli" hisoblanadi. Ular bugun yana bir bor to‘qnash kelishadi. Maks Allegri boshchiligidagi "Yuve" bugun oqshomida "Maradona Stadioni"ga tashrif buyuradi.
Ular xalqaro tanaffusdan ilgari debyutant klub "Empoli"dan sharmandali tarzda mag‘lub bo‘lgan edi. Ular o‘rtasidagi so‘nggi uchrashuvlar va statistikalar quyidagicha:
1. "Napoli" Keksa sinyoraga qarshi so‘nggi ikkita uchrashuvning har ikkisini g‘alaba bilan yakunlagan hamda har ikkisida ikkitadan gol ura olgan.
2. "Yuve" Italiyaning top yettilik klublariga qarshi so‘nggi 6 ta o‘yinning 5 tasida g‘alaba qozona olmagan.
3. "Napoli" so‘nggi 11 ta liga o‘yinida mag‘lubiyat nima ekanini bilmay kelmoqda. Ulardan 8 tasini g‘alaba bilan yakunlagan.
4. Mezbonlar, shuningdek, so‘nggi 12 ta uy uchrashuvlaridan 9 tasida g‘alaba qozongan. 3 tasini esa durang bilan tugatgan. Mag‘lubiyatlar mavjud emas.
Ma’lumot uchun, ushbu to‘qnashuv bugun Toshkent vaqti bilan soat 21:00da start oladi. Uni "Sport TV" telekanali orqali tomosha qilish mumkin.