Италиядаги энг ашаддий рақиблар жуфтлигидан бири бу "Ювентус" ҳамда "Наполи" ҳисобланади. Улар бугун яна бир бор тўқнаш келишади. Макс Аллегри бошчилигидаги "Юве" бугун оқшомида "Марадона Стадиони"га ташриф буюради.
Улар халқаро танаффусдан илгари дебютант клуб "Эмполи"дан шармандали тарзда мағлуб бўлган эди. Улар ўртасидаги сўнгги учрашувлар ва статистикалар қуйидагича:
1. "Наполи" Кекса синьорага қарши сўнгги иккита учрашувнинг ҳар иккисини ғалаба билан якунлаган ҳамда ҳар иккисида иккитадан гол ура олган.
2. "Юве" Италиянинг топ еттилик клубларига қарши сўнгги 6 та ўйиннинг 5 тасида ғалаба қозона олмаган.
3. "Наполи" сўнгги 11 та лига ўйинида мағлубият нима эканини билмай келмоқда. Улардан 8 тасини ғалаба билан якунлаган.
4. Мезбонлар, шунингдек, сўнгги 12 та уй учрашувларидан 9 тасида ғалаба қозонган. 3 тасини эса дуранг билан тугатган. Мағлубиятлар мавжуд эмас.
Маълумот учун, ушбу тўқнашув бугун Тошкент вақти билан соат 21:00да старт олади. Уни "Спорт ТВ" телеканали орқали томоша қилиш мумкин.
