Bugun "King Pauer" stadionida «Lester» - "Manchester Siti" uchrashuvi o‘tkaziladi.
Bilasizmi?
«Lester» hujumchisi Jeymi Vardi Premyer-Liganing 10 o‘yinida Pep Gvardiolaning "Manchester Siti" jamoasiga 8 gol kiritgan. Bu Gvardiola boshqargan jamoalar darvozasiga boshqa futbolchilar tomonidan kiritlgan gollar ichidan eng yuqorisi hisoblanadi. Vardi ikki bor xet-trikka erishgan - 2016, dekabr va 2020, sentyabr.
«Lester» musobaqada amaldagi chempionlarga qarshi oxirgi 5 uy uchrasuvining uchtasida g‘alaba qozongan (2 mag‘lubiyat). O‘tgan mavsumda «Liverpul» mag‘lub etilgan (3:1).
"Manchester Siti" a’zosi Ferran Torres oxirgi 6 APL o‘yinida 6 golli vaziyatlarda qatnashgan (5 gol va bir assist). U musobaqaning birinchi 21 o‘yinida shuncha golli vaziyatlarda ishtirok etgandi - 4 gol, 2 assist.
Jamoalarning oxirgi 11 uchrashuvida durang qayd etilmagan — "Manchester Siti" 7, «Lester» 4.
Bahs rasmiylari
Bosh hakam: Pol Tirni
Qanot hakamlari: Konstantin Hatzidakis, Nil Devis
Zaxira hakami: Endi Medli
VAR: Andre Marriner
VAR yordamchisi: Richard Vest
Taxminiy tarkiblar
Lester - Shmeyxel, Kastan, Evans, Soyunju, Tomas, Ndidi, Tilemans, Barns, Olbrayton, Meddison, Vardi
Manchester Siti - Karson, Uoker, Diash, Stouns, Kanselu, Bernardu, Rodri, Gyundogan, Sterling, Grilish, Torres
Yo‘qotishlar
«Lester» safida Uesli Fofana, Jeyms Jastin, Nampalis Mendi jarohat sabab maydonga tusha olishmaydi. Ayoze Perez esa diskvalifikasiya qilingan. Jonni Evans, Yannik Vestergaard, Rikardu Perreyraning qatnashishi so‘roq ostida.
«Shaharliklar» tarkibida Fil Foden va Kevin de Bryuynening o‘ynashi noma’lum. Zak Steffen va Emerik Lyaport yaxshi sport formada emas. Benjamin Mendi boshqa sababga ko‘ra o‘ynay olmaydi.
Raqamlar
«Lester»ning oxirgi 7 uchrashuvidan oltitasida 2,5 tadan ko‘p gol kiritilgan (Premyer-Liga).
"Manchester Siti" APLning so‘nggi 6 bahsining beshtasida kamida ikkitadan gol urishga muvaffaq bo‘’lgan.
Jamoalar APLda o‘zaro 20 marta to‘qnash kelishgan. 7 marta «tulkilar» g‘alaba qozongan, 11 marta Manchester klubining qo‘li baland kelgan. Ikki bahsda g‘olib nomi aniqlanmagan.
Jamoalarning shu paytga qadar oxirgi o‘zaro o‘yini joriy yilning 3 aprel kuni o‘tkazilgan va unda "Manchester Siti" g‘alaba qozongan — 0:2.
Eslatib o‘tamiz, «Lester» - "Manchester Siti" o‘yini bugun Toshkent vaqti bilan 19:00da boshlanishi rejalashtirilgan.
