«Everton» «Manchester Yunayted» yarimhimoyachisi Donni van de Bekka qiziqish bildirmoqda, deb xabar beradi «Liverpool Echo».

Manbaning xabariga ko‘ra, bu yozda mersisaydliklar 24 yoshli gollandiyalik futbolchining transferini uyushtirishga urinishgan.

Shu bilan birga jamoaga Jeydon Sancho va Krishtianu Ronaldu kelishi bilan van de Bekning tarkibga kirish imkoniyati yanada pasayib ketdi.

Futbolchi faoliyatini qayerda davom ettirish variantlarini qidirmoqda, o‘z navbatida «Everton» Donnini qishki transferlar oynasida sotib olishga tayyor.