"Manchester Yunayted" klubi keyingi yozda "Vest Xem" futbolchisi Deklan Rays uchun kurashishini ma’lum qildi. Garchand London klubi futbolchisi uchun 100 million funt so‘rayotgan bo‘lsa ham, mankunyanliklar bu poygada yutib chiqishni isaydi.
Lekin bu kurash oson bo‘lmaydi. Negaki, Rays uchun "Siti" ham da’vogarlik qilmoqda. 22 yoshli futbolchi o‘tgan mavsumdagi ko‘rsatgan o‘yinlari uchun ko‘plab klublar e’tiborida turibdi. U xalqaro maydonda ham Angliya sharafini himoya qilmoqda.
Pep Gvardiola o‘z jamoasiga Raysni olib kelish orqali uni yanada mustahkamlashni niyat qilgan. "Vest Xem" esa katta ehtimol bilan futbolchisi istagan tomonga emas, balki ko‘p pul taklif etgan tarafga uni sotishi mumkin.
