"Манчестер Юнайтед" клуби кейинги ёзда "Вэст Хем" футболчиси Деклан Райс учун курашишини маълум қилди. Гарчанд Лондон клуби футболчиси учун 100 миллион фунт сўраётган бўлса ҳам, манкунянликлар бу пойгада ютиб чиқишни исайди.
Лекин бу кураш осон бўлмайди. Негаки, Райс учун "Сити" ҳам даъвогарлик қилмоқда. 22 ёшли футболчи ўтган мавсумдаги кўрсатган ўйинлари учун кўплаб клублар эътиборида турибди. У халқаро майдонда ҳам Англия шарафини ҳимоя қилмоқда.
Пеп Гвардиола ўз жамоасига Райсни олиб келиш орқали уни янада мустаҳкамлашни ният қилган. "Вест Хем" эса катта эҳтимол билан футболчиси истаган томонга эмас, балки кўп пул таклиф этган тарафга уни сотиши мумкин.
