Ma’lum bo‘lishicha, «Milan» himoyachisi Teo Ernandes dunyoning eng boy klublari «PSJ» va «Manchester Siti» nazariga tushib qolgan. Fransuzlar himoyaning chap qanotini tajribali futbolchi bilan kuchaytirmoqchi, inglizlar esa Benjamin Mendining o‘rnini yopmoqchi.
Italiyalik jurnalist Daniyele Longoning xabar berishicha, «shaharliklar» allaqachon Milan bilan bog‘lanishgan. Ularga berilgan ma’lumotlarga ko‘ra, fransuzning o‘zi hozirgi jamoani tark etishni xohlamayapti va klub futbolchini o‘z uyida ushlab qolmoqchi. Shu bois, «rossonerilar» 70 million yevro va undan ko‘p takliflarnigina ko‘rib chiqishadi.
