Маълум бўлишича, «Милан» ҳимоячиси Тео Эрнандес дунёнинг энг бой клублари «ПСЖ» ва «Манчестер Сити» назарига тушиб қолган. Французлар ҳимоянинг чап қанотини тажрибали футболчи билан кучайтирмоқчи, инглизлар эса Бенжамин Мендининг ўрнини ёпмоқчи.
Италиялик журналист Даниеле Лонгонинг хабар беришича, «шаҳарликлар» аллақачон Милан билан боғланишган. Уларга берилган маълумотларга кўра, французнинг ўзи ҳозирги жамоани тарк этишни хоҳламаяпти ва клуб футболчини ўз уйида ушлаб қолмоқчи. Шу боис, «россонерилар» 70 миллион евро ва ундан кўп таклифларнигина кўриб чиқишади.
