Madridning «Real» klubi himoyachisi Ferlan Mendi qishki transferlar oynasida jamoani tark etishi mumkin, deb xabar beradi ispan matbuoti.

Unga ko‘ra, «qaymoqranglilar» fransuzga kelib tushayotgan boshqa takliflarni ko‘rib chiqishga tayyor.

Madridliklar Ferlanning doimiy jarohatidan hafsalasi pir bo‘lgan va u bilan xayrlashish niyatida.

Shuningdek, futbolchiga «Yuventus»ning ham qiziqish bildirayotgani haqida xabar berilgandi.

Mendi 2019 yili «Lion»dan 48 million yevroga «Real»ga ko‘chib o‘tgandi. Bu vaqt mobaynida u barcha turnirlar doirasida 70 ta o‘yinda maydonga tushib, 3 ta gol urdi va 4 ta golli uzatmani amalga oshirdi.