"MYU" o‘z futbolchisi Pol Pogbani jamoada saqlab qolishga harakat qiladi. "Express" nashri xabariga ko‘ra, mankunyanliklar bu uchun Pogbaga rekord darajada ko‘p maosh to‘lashga rozi bo‘ladi.

28 yoshli futbolchining shartnomasi kelasi yozda yakun topadi. Ya’ni u yanvardan boshqa klublar bilan muzokaralarga kirishishi mumkin bo‘ladi. Klub esa uni yangi bitim tuzishga ko‘ndirishi kerak.

Bunda Pogbaga haftasiga 400 ming funtlik maosh taklif etilishi mumkin. Agar futbolchi bu taklifni qabul qilsa, u APLdagi eng ko‘p maoshga ega futbolchiga aylanadi.