Ispaniya La Ligasining 6-turidan o‘rin olgan bir qator bahslar 22 sentyabr, chorshanba kuni o‘tkazildi.

Madridning «Real» klubi o‘z uyida «Malyorka»ni qabul qildi. Uchrashuvning 3-daqiqasidayoq Karim Benzema raqib himoyasidagi xatodan keyin hisobni ochdi. 24-daqiqada Marko Asensio sobiq jamoasi darvozasini ishg‘ol qildi. Bunga mehmonlar darhol Li Kan Inning goli bilan javob qaytardi. 29-daqiqada Asensio o‘zining ikkinchi, jamoasining esa uchinchi golini urdi.

Ikkinchi bo‘limda madridliklar yana uch bor mehmonlar darvozasini aniq nishonga oldi. Asensio va Benzema o‘z hisobiga yana bittadan gol yozdirib qo‘ygan bo‘lsa, zaxiradan tushgan Isko ham maydonni golsiz tark etmadi.

Ushbu g‘alabadan keyin «Real» ochkolarini 16 taga yetkazib olgan holda birinchi o‘ringa qaytdi va eng yaqin ta’qibchisi «Atletiko»ni 2 ochkoga ortda qoldirmoqda.

La liga, 6-tur
22 sentyabr, chorshanba
«Real Madrid» — «Malyorka» 6:1
Gollar: 1:0 – 3 Benzema, 2:0 – 24 Asensio, 2:1 – 25 Li Kan In, 3:1 – 29 Asensio, 4:1 – 55 Asensio, 5:1 – 78 Benzema, 6:1 – 84 Isko.
«Real Madrid»: Kurtua, Nacho (Santos, 80), Alaba, Militao, Migel Guterres, Valverde, Kamavinga (Antonio Blanko, 60), Benzema (Yovich, 80), Asensio (Isko, 72), Vinisius Junior, Rodrigo (Vaskes, 72).
«Malyorka»: Reyna, Sastre, Valent, Gayya (Kosta, 59), Olivan, Battalya, Febas (Sanches, 59), Kubo (Baba, 46), Li Kan In, Lago Junior (Xordi Mboula, 76), Hopp (Pras, 59).
Ogohlantirishlar: Rodrigo (47), Baba (57), Nacho (67).