Fransiya chempionatining 7-turidan o‘rin olgan o‘yinda «PSJ» 22 sentyabr, chorshanba kuni «Mes» bilan bahs yuritdi.

Uchrashuv tezkor gol bilan boshlandi. 5-daqiqada Ashraf Hakimiy hisobni ochdi va mehmonlarni hisobda oldinga olib chiqdi. Birinchi bo‘lim yakuni arafasida «Mes» futbolchilari muvozanatni tiklashga muvaffaq bo‘ldi. Ammo uchrashuvga qo‘shib berilgan daqiqalarda Hakimiy dublni rasmiylashtirib, jamoasiga g‘alaba keltirdi.

Qayd etish kerak, mazkur uchrashuvni «PSJ» hujumchisi Lionel Messi jarohati sabab o‘tkazib yubordi.

Ushbu g‘alabadan keyin parijliklar 21 ochko bilan 1-o‘rinda bormoqda. «Mes» (3) esa so‘nggi o‘rinni band etgan.

Liga 1, 7-tur bahsi
22 sentyabr, chorshanba
«Mes» – «PSJ» 1:2
Gollar: 0:1 – 5 Hakimiy, 1:1 – 39 Kuyate, 1:2 – 90+4 Hakimiy.
«Mes» – Ukija, Santonz, Bronn, Kuyate, Yudol, Guye (Bulaya, 67), Sarr, Maiga, Pajo (Traore, 90), Yade (Niakate, 67), Nyan (de Previl, 66).
«PSJ» – Navas, Hakimiy, Markinyos, Kimpembe, Mendesh (Draksler, 81), Rafinya (Errera, 65), Danilu Pereyra, Veynaldum (di Mariya, 65), Mbappe, Ikardi, Neymar.
Ogohlantirishlar: Yade (19), Maiga (68), Mendesh (69), Bronn (73), Santonz (90), Neymar (90), Ukija (90).
Chetlatish: Bronn (90).