Франция чемпионатининг 7-туридан ўрин олган ўйинда «ПСЖ» 22 сентябрь, чоршанба куни «Мец» билан баҳс юритди.

Учрашув тезкор гол билан бошланди. 5-дақиқада Ашраф Ҳакимий ҳисобни очди ва меҳмонларни ҳисобда олдинга олиб чиқди. Биринчи бўлим якуни арафасида «Мец» футболчилари мувозанатни тиклашга муваффақ бўлди. Аммо учрашувга қўшиб берилган дақиқаларда Ҳакимий дублни расмийлаштириб, жамоасига ғалаба келтирди.

Қайд этиш керак, мазкур учрашувни «ПСЖ» ҳужумчиси Лионель Месси жароҳати сабаб ўтказиб юборди.

Ушбу ғалабадан кейин парижликлар 21 очко билан 1-ўринда бормоқда. «Мец» (3) эса сўнгги ўринни банд этган.

Лига 1, 7-тур баҳси
22 сентябрь, чоршанба
«Мец» – «ПСЖ» 1:2
Голлар: 0:1 – 5 Ҳакимий, 1:1 – 39 Куяте, 1:2 – 90+4 Ҳакимий.
«Мец» – Укижа, Сантонз, Бронн, Куяте, Юдол, Гуйе (Булая, 67), Сарр, Маига, Пажо (Траоре, 90), Яде (Ниакате, 67), Нян (де Превиль, 66).
«ПСЖ» – Навас, Ҳакимий, Маркиньос, Кимпембе, Мендеш (Дракслер, 81), Рафинья (Эррера, 65), Данилу Перейра, Вейналдум (ди Мария, 65), Мбаппе, Икарди, Неймар.
Огоҳлантиришлар: Яде (19), Маига (68), Мендеш (69), Бронн (73), Сантонз (90), Неймар (90), Укижа (90).
Четлатиш: Бронн (90).