Coca Cola Superliga 20-turidan o‘rin olgan "Navbahor" — "Qizilqum" uchrashuvidan keyin o‘tkaziladigan matbuot anjumanining birinchi qismida mehmonlar bosh murabbiyi Hamidjon Aktamov qatnashib, o‘yin haqidagi fikrlari bilan o‘rtoqlashadi.

— Shunday yaxshi o‘yin bo‘lishini kutgandik, durang adolatli bo‘ldi deb o‘ylayman. "Navbahor"da ham, bizda ham vaziyatlar bo‘ldi. Kim gol ursa, o‘sha g‘alaba qozonardi. Imkoniyatlar yaratganimizga qaramay, ulardan foydalana olmadik, — deydi Hamidjon Aktamov.

— O‘yin boshida hakam tomonidan bir-ikkita xato bo‘lganda, jahlim chiqdi. Odamman, temir emasman, o‘rnimda boshqa odam bo‘lganda ham shunday bo‘lishi aniq edi. Babayanning futbolga qaytishi haqida? Futbolga mehnati singan mutaxassis. Uning ishiga muxlislar baho berishadi.

— Bugungi o‘yin natijasidan qoniqish hosil qilmadim. Yutishimiz kerak edi. Oldimizga qo‘yilgan vazifani bajarish uchun oxirigacha kurashamiz, to‘xtash yo‘q, — fikrlarini yakunladi Hamidjon Aktamov.