Bugun Yevropa ligasi hamda yangi, Konferensiyalar ligasi musobaqalarining navbatdagi tur bahslari bo‘lib o‘tadi. Unda Rimning «Roma» klubi Ukrainaga, Lugansk shahriga safar uyushtiradi. U tomonlarda esa shaharning «Zarya» klubi rimliklarni kutib olishi belgilangan. Bugun oqshom mezbonlar stadioni «Slavutich-Arena» tomoshabinlarga to‘lib-toshsa, ajab emas. Mehmonlar o‘z guruhlarida ikkita g‘alaba bilan peshqadamlik qilayapti. «Zarya» esa Ukraina milliy chempionatida yakshanba kuni safarda «SC Dnepr» klubini yirik, 4-0 hisobida taslim etgan edi. Undan oldinroq «Chernomorets Odessa» klubi 3-0 hisobida dog‘da qoldirilgan.
Viktor Shkryonyak shogirdlari Konferensiyalar ligasining dastlabki turida 3-1 hisobida «Budyo-Glimt»ga imkoniyatni boy bergandi. Shu sabab bugun muxlislarini qarshisida qanday bo‘lmasin g‘alaba qilishga harakat qiladi.
Bu bilan bir paytda «Roma» Italiya chempionatida o‘zining prinspial raqibi «Lasio»ga 3-2 hisobida taslim bo‘lgandi. Bu mag‘lubiyat Joze Mourinyo boshchiligidagi klubning so‘nggi uchta o‘yinda, ikkinchisi bo‘ldi. Undan avval esa portugaliyalik jamoasini barcha turnirlarda 6 ta bahsda, 6 ta g‘alabaga erishtirgan. Konferensiyalar ligasi bahslariga qaytayotgan rimliklar «C» guruhidagi ilk turda, bundan ikki hafta ilgari 10 kishi bo‘lib qolgan «SSKA Sofiya»ni 5-1 hisobida yanchib tashlagan edilar.
Ushbu bahs juftliklar o‘rtasidagi ilk to‘qnashuv bo‘ladi. Har ikki tomon bunda faqat g‘alaba uchun harakat qilishi shubhasiz.
Mezbonlar tarkibida bitta yo‘qotish mavjud. U ham bo‘lsa jamoaning asosiy darvozaboni Nikita Shevchenkodir. U jarohati sabab tiklanish jarayonini boshdan o‘tkazmoqda.
«Roma» futbolchilaridan Italiya terma jamoasi a’zosi Leonardo Spinassola jarohat bilan bahs qaydnomasiga kiritilmadi. Mourinyo qolgan o‘yinchilardan to‘liq foydalanish imkoniyatiga ega bo‘ladi. Shuningdek, har ikki klub tarkibida disvalifikasiyaga uchragan futbolchilar mavjud emas.
Tahminiy tarkiblar:
«Zarya» uchun:
Darvozada: Dimitro Matsapura;
Himoyada: Juninyo, Imerokov, Vernidub, Xomachenovski;
Yarim himoyada: Kabayev, Nazarina, Bulesa, Kochergin;
Hujumda: Gladkiy hamda Sayyadmanesh.
«Roma» uchun:
Darvozada: Patrisyo
Himoyada: Karsdorp, Manchini, Ibanyes, Kalafyori;
Tayanch y,h: Kristante, Veretu;
Hujumkor y,h: Zanyolo, Mxitaryan va Perec;
Hujumda: Abraxam.
Ushbu bahs Toshkent vaqti bilan soat 21:45da start olishi belgilangan. O‘yin «Sport TV» telekanali orqali jonli efirda namoyish etiladi.
Jaloliddin ISMATOV tayyorladi
