«PSJ» xo‘jayinlari o‘z tarkiblariga yana bir yulduz futbolchini sotib olishni reja qilgan.
Gazzetta dello Sport xabariga ko‘ra, Parij grandi rejalarida Dortmundning «Borussiya» klubida to‘p tepayotgan norvegiyalik to‘purar Erling Xoland bor.
Skandinaviyalik hujumchi jamoada anchadan buyon «Real» qiziqib kelayotgan Kilian Mbappening o‘rnini bosishi mumkin.
Manbada agent Mino Rayola Xolandni dunyoning eng ko‘p maosh oluvchi futbolchisiga aylantirmoqchi ekanligi qayd etilgan. U o‘z mijozi uchun yiliga 50 million yevro maosh to‘lashini ma’lum qilgan.
21 yoshli hujumchining «asalarilar» bilan amaldagi shartnomasi 2024 yilning yozigacha amal qiladi. Transfermarkt portali ma’lumotlariga ko‘ra, Xolandning narxi 130 million yevroni tashkil etadi.
