«ПСЖ» хўжайинлари ўз таркибларига яна бир юлдуз футболчини сотиб олишни режа қилган.
Gazzetta dello Sport хабарига кўра, Париж гранди режаларида Дортмунднинг «Боруссия» клубида тўп тепаётган норвегиялик тўпурар Эрлинг Холанд бор.
Скандинавиялик ҳужумчи жамоада анчадан буён «Реал» қизиқиб келаётган Килиан Мбаппенинг ўрнини босиши мумкин.
Манбада агент Мино Райола Холандни дунёнинг энг кўп маош олувчи футболчисига айлантирмоқчи эканлиги қайд этилган. У ўз мижози учун йилига 50 миллион евро маош тўлашини маълум қилган.
21 ёшли ҳужумчининг «асаларилар» билан амалдаги шартномаси 2024 йилнинг ёзигача амал қилади. Трансфермаркт портали маълумотларига кўра, Холанднинг нархи 130 миллион еврони ташкил этади.
