"Chelsi" bosh murabbiyi Tomas Tuxel jarohatidan endigina forig‘ bo‘lgan Ris Jeymsning Angliya terma jamoasidan chaqiruv olgani haqida javob berdi.
"Jeymsning chaqiruv olgani haqida eshitganimda, menimcha, Ris Angliya suv polosi termasiga taklif qilingan deb o‘yladim, chunki u hozir basseynda mashg‘ulot o‘tkazmoqda.
Hayronman. U terma jamoaga chaqirilganini tushunaman, lekin endigina safga qaytgan futbolchini taklif qilish qanchalik to‘g‘ri ? Men olgan so‘nggi ma’lumotlarga ko‘ra, u yig‘inga bormaydi" -deya so‘zini yakunladi germaniyalik murabbiy.