Italiya terma jamoasi bosh murabbiyi Roberto Manchini terma jamoa bilan ishlashning o‘ziga xos xususiyatlari haqida gapirdi.
«Men har kuni o‘z klubimdagi ishimni sog‘inaman. Terma jamoa bilan ko‘p o‘yin o‘tkazganingizda oz bo‘lsada zerikishni his qilasiz.
Ammo maydonga qaytish uchun besh oy bu juda ko‘p. Masalan, noyabrdan martgacha va martdan iyungacha bo‘lgan muddat bu juda katta.
Yevropa chempionati menga katta maktab bo‘ldi, bu kabi turnirlar murabbiyga ulkan tajriba beradi. Ammo Millatlar Ligasi turniri hozir bizga ancha bosim yuklashi mumkin. Hozir uning o‘tkazilish vaqti emas», - deydi Manchini Bobo TVga bergan intervyusida.
Italiya va Ispaniya terma jamoalari 6 oktyabr kuni Millatlar Ligasi yarim finalida o‘ynaydi. Ertasi kuni maydonga Belgiya va Fransiya terma jamoalari chiqadi.
