Италия терма жамоаси бош мураббийи Роберто Манчини терма жамоа билан ишлашнинг ўзига хос хусусиятлари ҳақида гапирди.
«Мен ҳар куни ўз клубимдаги ишимни соғинаман. Терма жамоа билан кўп ўйин ўтказганингизда оз бўлсада зерикишни ҳис қиласиз.
Аммо майдонга қайтиш учун беш ой бу жуда кўп. Масалан, ноябрдан мартгача ва мартдан июнгача бўлган муддат бу жуда катта.
Европа чемпионати менга катта мактаб бўлди, бу каби турнирлар мураббийга улкан тажриба беради. Аммо Миллатлар Лигаси турнири ҳозир бизга анча босим юклаши мумкин. Ҳозир унинг ўтказилиш вақти эмас», - дейди Манчини Bobo TVга берган интервьюсида.
Италия ва Испания терма жамоалари 6 октябрь куни Миллатлар Лигаси ярим финалида ўйнайди. Эртаси куни майдонга Бельгия ва Франция терма жамоалари чиқади.
