«Barselona» sobiq hujumchisi Samuel Eto'O kataloniyaliklarning «Atletiko» bilan kechadigan bo‘lajak o‘yini haqida fikr bildirdi.

«Bu o‘yin futbolchilar o‘zlarini isbotlashlari va muxlislarning ishonchini qaytarishlari uchun qulay imkoniyat. Ayni dam barcha ularni o‘lik deya hisoblamoqda.

«Atletiko» chempionatning eng yaxshi jamoalaridan biri. Hozir bu klub «Barselona»dan yaxshiroq formaga kirgan. Ular bugun favorit, biroq «Barsa» doim o‘z obro‘siga ega, — deydi Eto'O.

Eslatib o‘tamiz, sobiq futbolchi yaqinda Kamerun futbol federasiyasi raisligiga o‘z nomzodini qo‘ygandi.