"Vest Xem" bosh murabbiyi Devid Moyes jamoasida rotasiya ishlaridan mamnun ekanini aytib o‘tdi. Uning jamoasi hafta o‘rtasida "Rapid Vena" klubini 2-0 hisobida mag‘lub qilgandi.
U o‘yindan keyingi matbuot anjumanida shunday deydi: "Tarkibda o‘zgarishlar qilish juda muhim faktor sanaladi. Biz hozirda futbolchilarning hammasiga imkoniyat berishga va ishonishga harakat qilmoqdamiz. Ha, bizga Yevrokuboklar yangilik va asta-sekin bunga moslashib boryapmiz. Bu narsa futbolchilarning hammasidan o‘z o‘rnida foydalanishimizga katta yordam beradi. Menga bu jarayon ma’qul kelmoqda".
