«Manchester Yunayted»ning 36 yoshli hujumchisi Krishtianu Ronaldu Angliya Premer-ligasida har bir uchrashuvda o‘rtacha raqib himoyachilariga bosim darajasi bo‘yicha eng yomon natijani qayd etmoqda. Bu haqda, The Athletic nashri xabar bermoqda.
«Kristal Pelas» ning 28 yoshli ivuarlik hujumchisi Uilfrid Zaha reytingda peshqadamlik qilmoqda. U har uchrashuvda raqib himoyachilariga 20 ga yaqin bosma o‘tkazmoqda. «Brayton» a’zosi Nilya Mope ham xuddi shunday natijaga ega. Kuchli uchlikni «Liverpul»ning portugaliyalik hujumchisi Diogo Jota (19,8) yakunlab beradi.
Avval aytib o‘tganimizdek, bu reytingda eng yomon ko‘rsatkich Krishtianu Ronalduda bo‘lib, u raqiblarga har o‘yinda atigi 2,7 marta bosim o‘tkazadi.
Eslatib o‘tamiz, tadqiqotga joriy mavsumda kamida 270 daqiqa maydonda o‘tkazgan futbolchilar kiritilgan.
