«Real Madrid» qishda bosh murabbiy Karlo Anchelotti qo‘l ostida o‘yin amaliyotini olmagan bir qator futbolchilar bilan xayrlashishga tayyor. Bu ro‘yxatda yarimhimoyachi Marko Asensio bor.
Italiyalik murabbiy bir necha bor ispan pleymeykeriga tayanayotganini aytgan, biroq, agar potensial xaridor bo‘lsa, klub uni kamida 40 million yevroga qo‘yib yuborishga tayyor. Bu ma’lumotni mahalliy Fichajes nashri tarqatmoqda.
Qayd etilishicha, Asensioning o‘zi hali kelajagi borasida bir qarorga kelmagan. Hamma narsa futbolchining qishki transfer oynasi oldidan Ispaniya poytaxtidagi holatiga bog‘liq bo‘ladi. Mish-mishlarga ko‘ra, unga «Arsenal» va «Liverpul» qiziqish bildirmoqda.