«Atletiko» bosh murabbiyi Diyego Simeone La Liganing 7-turida «Barselona» ustidan qozonilgan g‘alaba (2:0) haqida fikr bildirdi.
«Biz yaxshi o‘yin o‘tkazdik, himoyadan hujumga chiqishda mukammal edik. Ularda to‘p bilan yaxshi nazorat qilishdi, lekin biz xohlaganimizdek o‘ynay oldik.
Kuchlar teng edi "Barsa" to‘pga juda ko‘p egalik qildi. Birinchi bo‘limda bizning qarshi hujumlarimiz juda yaxshi o‘tdi, ikkinchi bo‘limda unchalik emas.
Biz Messisiz "Barselona" bilan birinchi marta uchrashdik. Ularda har doimgidek to‘p bilan ko‘p o‘ynashdi, lekin haqiqat shundaki, Messi o‘ziga xos va ularga bugun yetishmadi», - deydi argentinalik murabbiy.
