Og‘ir vazn toifasida WBC yo‘nalishi bo‘yicha jahon chempioni Tayson Fyuri chempionlik himoyasi «Old Trafford» stadionida o‘tkazilishini xohlamoqda.
Bundan tashqari, bokschi Krishtianu Ronalduning «Manchester Yunayted»ga qaytishi haqida gapirdi. Fyuri Manchesterda tug‘ilgan va «Manchester Yunayted» muxlisi.
«Men Jahon chempionligi uchun kurashni Manchesterga qaytarmoqchiman. Men har doim »Old Trafford«da jang qilishni orzu qilganman. Bu stadionda Eubank va Benn o‘rtasidagi so‘nggi jang 1993 yilda bo‘lgan.
Krishtianu Ronalduning Manchesterga qaytganidan juda xursandman, lekin bu shahar ikkalamiz uchun juda kichik! Agar men Manchesterda yashaganimda, bu muammo bo‘lardi. Ammo men avtoyo‘l bo‘ylab bir soatlik masofa narida yashayman», - deydi Fyuri.
9 oktyabr kuni Fyuri trilogiyani amerikalik Deontey Uaylder bilan yakunlashi belgilangan.
