Angliya terma jamoasi bosh murabbiyi Garet Sautgeyt Jek Grilish haqida fikr bildirdi. U Grilishning qobiliyatlari haqida shunday deydi:

«Grilish bizga qo‘shilganidan buyon uning jamoaga ta’sirini yaqqol his qildik. Uning biz bilan bo‘lishi maydonda pressingga asoslangan o‘yin olib borishimizga katta yordam berdi. Uning jismoniy tayyorgarligi yuqori darajada va bunga shubha yo‘q. U hafta o‘rtasidagi o‘yinlarda ham bemalol ishtirok etish imkoniga ega. Lekin uning oqsayotgan tarafi hozirda gol urish. U terma jamoada 15 ta o‘yin o‘tkazdi, ammo gol urganicha yo‘q. U bu borada o‘sishi kerak va ishonamanki, Jek gol urishni boshlasa, mukammallikka yanada yaqin bo‘ladi».

Grilish yozda «Aston Villa»dan «Man Siti» klubiga 100 million funt evaziga o‘tgan edi. U oktabr oyidagi terma jamoa yig‘iniga jalb etilgan.