Англия терма жамоаси бош мураббийи Гарет Саутгейт Жек Грилиш ҳақида фикр билдирди. У Грилишнинг қобилиятлари ҳақида шундай дейди:

«Грилиш бизга қўшилганидан буён унинг жамоага таъсирини яққол ҳис қилдик. Унинг биз билан бўлиши майдонда прессингга асосланган ўйин олиб боришимизга катта ёрдам берди. Унинг жисмоний тайёргарлиги юқори даражада ва бунга шубҳа йўқ. У ҳафта ўртасидаги ўйинларда ҳам бемалол иштирок этиш имконига эга. Лекин унинг оқсаётган тарафи ҳозирда гол уриш. У терма жамоада 15 та ўйин ўтказди, аммо гол урганича йўқ. У бу борада ўсиши керак ва ишонаманки, Жек гол уришни бошласа, мукаммалликка янада яқин бўлади».

Грилиш ёзда «Астон Вилла»дан «Ман Сити» клубига 100 миллион фунт эвазига ўтган эди. У октабрь ойидаги терма жамоа йиғинига жалб этилган.