«Inter», «Yuventus» va «Chelsi» klublarining sobiq bosh murabbiyi Antonio Konte «Nyukasl»ni boshqarmoqchi emas. The Sun nashri xabariga ko‘ra, yangi xo‘jayinni qabul qilgan ingliz klubi mutaxassisga taklif qilgan, ammo rad javobini olgan.

Kontedan tashqari, «qirqliklar»ning yangi rahbariyati Stiven Jerrard va Frenk Lempard nomzodlarini ko‘rib chiqmoqda.

Ayni paytda Stiv Bryus jamoa bosh murabbiyi. Uning qo‘l ostida «Nyukasl» joriy Angliya Premyer-ligasida muvaffaqiyatsizlikka uchradi. 7 tur natijalariga ko‘ra, jamoa atigi uch ochko to‘pladi va turnir jadvalining so‘nggi pog‘onasidan joy oldi.