Kecha bo‘lib o‘tgan Millatlar ligasi final uchrashuvida Fransiya terma jamoasi Ispaniyani mag‘lub etdi (2:1). Fransuzlar uchun bu tarixdagi sakkizinchi sovringa aylandi.
Ilgari "uchranglilar" ikki marta Yevropa chempionligi (1984 va 2000 yillarda), ikki karra jahon chempionligi (1998, 2018), Konfederasiyalar kubogi (2001, 2003), shuningdek Artemio Franchi nomli kubogini qo‘lga kiritgan. Yana fransuzlar 1985 yilda Urugvay ustidan qozonilgan g‘alaba (2:0) tufayli Yevropa va Janubiy Amerika chempionatlari g‘oliblari sifatida tarixida qolishgan.
Eslatib o‘tamiz, Fransiya terma jamoasi Millatlar Ligasining tarixdagi ikkinchi g‘olibi. Birinchi turnirda Portugaliya terma jamoasi g‘alaba qozondi.
