Fransiyalik sobiq hakam Bruno Derriyen Fransiya terma jamoasi hujumchisi Kilian Mbappening Millatlar Ligasi finalida Ispaniya terma jamoasiga (2:1) urgan golini izohladi.
"2013/14 yilgi mavsumdan boshlab yangi qoidalar kuchga kirdi, Mbappening goli toza. Bizga qoidalar yoqmasligi mumkin, ular futbol ruhini o‘ldiradi deyishadi, lekin ular ishlashi kerak. Qoidalarning qo‘llanilishi nuqtai nazaridan, gol adolatli hisoblandi", - deya Derriyenning so‘zlaridan iqtibos keltiradi "RMC Sport".
Qo‘shimchasiga, hakamning fikricha, FIFA avvalgi ofsayd qoidalariga qaytish kerak.
"Men o‘yinchining o‘zi to‘pni raqibga uzatsa, men ofsayd deb hisoblamagan bo‘lardim. Ammo ispaniyalik futbolchining vaziyati boshqacha edi. U to‘pni uzatishga emas, to‘xtatishga harakat qildi”, - dedi sobiq hakam.
Eslatib o‘tamiz, Millatlar ligasi final uchrashuvning 80-daqiqasida Mbappe bahsli vaziyatda gol urdi. Hakamlar esa bu vaziyatdagi golni inobatga oldi.
