Франциялик собиқ ҳакам Бруно Дерриьен Франция терма жамоаси ҳужумчиси Килиан Мбаппенинг Миллатлар Лигаси финалида Испания терма жамоасига (2:1) урган голини изоҳлади.
"2013/14 йилги мавсумдан бошлаб янги қоидалар кучга кирди, Мбаппенинг голи тоза. Бизга қоидалар ёқмаслиги мумкин, улар футбол руҳини ўлдиради дейишади, лекин улар ишлаши керак. Қоидаларнинг қўлланилиши нуқтаи назаридан, гол адолатли ҳисобланди", - дея Дерриьеннинг сўзларидан иқтибос келтиради "RMC Sport".
Қўшимчасига, ҳакамнинг фикрича, ФИФА аввалги офсайд қоидаларига қайтиш керак.
"Мен ўйинчининг ўзи тўпни рақибга узатса, мен офсайд деб ҳисобламаган бўлардим. Аммо испаниялик футболчининг вазияти бошқача эди. У тўпни узатишга эмас, тўхтатишга ҳаракат қилди”, - деди собиқ ҳакам.
Эслатиб ўтамиз, Миллатлар лигаси финал учрашувнинг 80-дақиқасида Мбаппе баҳсли вазиятда гол урди. Ҳакамлар эса бу вазиятдаги голни инобатга олди.
