«Chelsi» futbolchisi Romelu Lukaku yoshligida ushbu jamoada qay holatga tushganligi haqida gapirdi. U klubning rasmiy saytiga bergan intervyusida shunday deydi:
«U davrlar men uchun alamli va og‘riqli kechgan. Qiynalgandim. Lekin aynan o‘sha narsa menga yordam bergan deya olaman. Chunki shu og‘riqlar menga bugungidek futbolchi bo‘lishim uchun ruhiyat, turtki va kuch bergan. Ha, o‘sha paytdagi jamoa ham yaxshi edi, biroq hech bir futbolchi umumiy mashg‘ulotlardan keyin qo‘shimchasiga maydonda qolmasdi. 18 yosh futbolchi sifatida men bu ishni qilishga uringandim. Men o‘z ustimda ko‘proq ishladim va bu mening hayot tarzimga aylanib qoldi».
Hozirda Lukaku va uning jamoasi Jahon chempionatiga saralash doirasida Estoniyaga qarshi bahsga tayyorgarlik ko‘rmoqda.
