«Челси» футболчиси Ромелу Лукаку ёшлигида ушбу жамоада қай ҳолатга тушганлиги ҳақида гапирди. У клубнинг расмий сайтига берган интервьюсида шундай дейди:
«У даврлар мен учун аламли ва оғриқли кечган. Қийналгандим. Лекин айнан ўша нарса менга ёрдам берган дея оламан. Чунки шу оғриқлар менга бугунгидек футболчи бўлишим учун руҳият, туртки ва куч берган. Ҳа, ўша пайтдаги жамоа ҳам яхши эди, бироқ ҳеч бир футболчи умумий машғулотлардан кейин қўшимчасига майдонда қолмасди. 18 ёш футболчи сифатида мен бу ишни қилишга урингандим. Мен ўз устимда кўпроқ ишладим ва бу менинг ҳаёт тарзимга айланиб қолди».
Ҳозирда Лукаку ва унинг жамоаси Жаҳон чемпионатига саралаш доирасида Эстонияга қарши баҳсга тайёргарлик кўрмоқда.
